२२ जेठ २०८३, शुक्रबार
काठमाडौं – भारतको बिहारस्थित बेगुसरायको नेसनल हाईवे २८ मा ईयरफोन घुसाएर मोटरसाइकल चलाइरहेका युवक ट्रकसँग ठोक्किन पुगे ।
उनी सडकमा पछारिएपछि ट्रकको पांग्राले कुल्चिएर एउटा गोडै चुँडियो ।
त्यसपछि उनले पत्नीलाई भिडियो कल गरे अनि आफ्नो हालत देखाएर बेहोश भए ।
प्रत्यक्षदर्शीहरूका अनुसार, युवकले ईयरफोन लगाएका हुनाले ट्रकको आवाज सुनेनन् ।
बेहोश भएका युवकलाई प्रहरीले बेगुसरायस्थित अस्पताल लगे तर उनी बाँचेनन् ।
युवकको नाम राजाराम पण्डित हो । राजाराम आफ्ना सालाको श्राद्धकर्ममा ससुराली गइरहेका थिए । घटनास्थलमा पुगेका परिवारका सदस्यले बताएअनुसार राजारामको बिहे तीन वर्षअघि भएको थियो । उनको सात महिनाकी एक छोरी छन् ।
एजेन्सी
