१३ असार २०८३, शनिबार
काठमाडौं – मेक्सिकोको राजधानी मेक्सिको सिटीकी मेयर क्लाउडियो शेइनबाउमले सरकारी विद्यालयहरूमा लैंगिक परम्पराअनुसारको लुगा लगाउनु नपर्ने घोषणा गरेकी छन् ।
‘केटाहरूले चाहेमा स्कर्ट अनि केटीहरूले ट्राउजर लगाए हुन्छ,’ मेयर शेइनबाउमले भनिन् ।
यसले लैंगिक समानता र समताको स्थिति ल्याउने उनले बताइन् ।
पहिलेका निर्देशिकाहरूले बालिकाहरूको विद्यालयको ड्रेस स्कर्ट भए जस्तै बालकहरूको ड्रेस ट्राउजर भएको लेखेका थिए ।
मेयर शेइनबाउमले यस्तो सोच इतिहासको गर्तमा बिलाइसकेको र नयाँ निर्देशिका तत्कालै लागू हुने बताइन् ।
वामपन्थी मोरेना पार्टीकी नेता शेइनबाउमले शहरको केन्द्रमा रहेको प्राथमिक विद्यालयको भ्रमण गर्ने क्रममा यो घोषणा गरेकी हुन् ।
यो घोषणालाई तेस्रो लिंगी अधिकारकर्मीहरूले स्वागत गेका छन् ।
बीबीसीबाट
