वासिङ्टन–मेक्सिकोबाट अमेरिका आयात हुने सामानमा सोमबारबाट लागु हुनेगरी दण्डात्मक कर लगाउने निर्णय निकै अघि बढेको ह्वाइट हाउसले बताएको छ ।

ह्वाइटहाउसकी प्रवक्ता सारा स्याण्डर्सले भन्नुभयो, “आप्रबासीलाई सिमा क्षेत्रमा कडाई गर्ने बिषयमा मेक्सिकोसँग भएको कुराकानीमा ‘प्रगति’ भएको छ तरपनि संयुक्त राज्य अमेरिकाले मेक्सिकोलाई थप कर लगाउने यस पहिले गरेको निर्णय अघि बढ्ने लगभग पक्का भएको छ ।”

“करबारे यसपहिले आएको हाम्रो धारणामा परिवर्तन भएको छैन,” उहाँले एअर फोर्स वनमार्फत यूरोप जाने क्रममा बताउनुभयो ।

उहाँले भन्नुभयो, “करका लागि उनीहरू ९सम्बन्धित अधिकारीहरू० ले धेरै प्रगति गरिसकेका छन् । बैठक र कुराकानी सकारात्मकरूपमा अघि बढेको छ । तर तत्काल अहिलेका लागि आगामी सोमबारदेखि कर वृद्धि गर्ने बाटोमा छौँ ।”

अमेरिकी राष्ट्रपति डोनाल्ड ट्रम्पद्वारा मेक्सिकोसँग पाँच प्रतिशत थप कर लिने गरी यसै साता गरेको निर्णयको मेक्सिकोले विरोध जनाइसकेको छ । 

मेक्सिकोले सीमानामा आप्रवासी शरणार्थीलाई अमेरिका प्रवेशमा नियन्त्रण गर्न अपनाउनुपर्ने आवश्यक प्रक्रिया शुरू नगरेको साथै मेक्सिको र अमेरिकाको सिमाना हुँदै अमेरिका प्रवेश गर्ने आप्रवासीहरूको नियन्त्रणमा नसघाएको आरोपमा उसले थप करको घोषणा गरेको मेक्सिकाको दावी छ ।

मेक्सिकोको विदेशमन्त्रालयका उत्तर अमेरिका मामिला हेर्ने उच्च कूटनीतिज्ञ जेसस सैयदले भन्नुभयो,  “अमेरिकी उक्त कदम ‘अनर्थपूर्ण’ रहेको छ र यसको हामी उचित जवाफद्वारा प्रतिवाद गर्नेछौँ ।