२२ जेठ २०८३, शुक्रबार
काठमाडौं –क्षमताभन्दा बढी टिकट बेचेर ठगी गरेको आरोपमा पारामाउन्ट इभेन्ट प्रालि सञ्चालक दीपक घिमिरे पक्राउ परेका छन् ।
भारतीय गायिका नेहा कक्कर सहभागी कार्यक्रमका लागि ठमेलस्थित लर्ड अफ डिस्को नामक नाइट क्लबमा क्षमताभन्दा बढी टिकट बेचेको आरोपमा उनलाई पक्राउ गरिएको महानगरीय परिसर काठमाडौंका प्रवक्ता डीएसपी होविन्द्र बोगटीले बताए ।
क्लबको क्षमताभन्दा दोब्बर टिकट बिक्री गरी र स्थानीय प्रहरीसँग समन्यय नगरेकाले उनलाई पक्राउ गरेको बोगटीले लोकान्तरलाई बताए ।
उनले भने–‘बढी लिएको रकम फिर्ता गर्नुपर्ने अवस्था छ । उहाँले क्षमता भन्दा बढी बेचेको टिकट फिर्ता नगरे ठगी ऐन अन्तर्गत कारवाही प्रक्रिया अघि बढाइने छ ।’
उक्त कार्यक्रमा प्रतिव्यक्ति टिकटबापत ५ हजार रुपैयाँ उठाइएको थियो । २ हजार क्षमताको डिस्कोमा हुने कार्यक्रमका लागि दोब्बरभन्दा बढी टिकट विक्री गरिएको थियो ।
