११ साउन २०८३, सोमबार
काठमाडौं – करीब एक साता अघिदेखि हराइरहेको भारतीय वायु सेनाको विमानको भग्नावशेष भेटिएको छ ।
वायु सेनाको एएन-32 एयरक्राफ्टको भग्नावशेष अरूणाञ्चलस्थित १२ हजार फिट उचाइमा देखिएको खबर भारतीय मिडियाहरूले लेखेका छन् ।
वायुसेनाको एमआई - १७ हेलिकप्टरले सर्च अप्रेसनका क्रममा विमानको भग्नावशेष पत्ता लगाएको दैनिक भाष्करमा खबर छ ।
गत सोमवार असमको जोरहाटबाट उडान भरेको उक्त विमानमा १३ जना सवार थिए । उडान भरेको केही दिनपछि विमान सम्पर्कविहीन भएको थियो ।
