२३ जेठ २०८३, शनिबार
भारतीय सेवाप्रदायक जेट एयरवेज ग्राउन्डेड भएपछि उसले गत ३० चैतदेखि दिल्ली–काठमाडौं र मुम्बई–काठमाडौं उडान रोकेको छ ।
जेटले हरेक दिन दिल्लीबाट तीन र मुम्बईबाट दुई उडान गरिरहेको थियो । जेट एयरवेज रोकिएसँगै नेपाल वायुसेवा निगमले यी दुवै रुटमा उडान थप्ने अवसर पाएको थियो ।
यसबीचमा दिल्ली–काठमाडौंको एकतर्फी भाडा महँगिएर ६० हजार रुपैयाँसम्म पुगेको थियो । तर, निगमले काठमाडौं–दिल्ली रुटमा उडान थपेन बरु जहाज पार्किङ गरेर राख्यो ।
त्यसअघि न्यारोबडी जहाजले दैनिक दुईवटा उडान गर्दै आएकोमा एउटालाई वाइडबडीले विस्थापन गर्नेबाहेक थप केही भएन । जेटले काठमाडौं–मुम्बई दैनिक दुईवटा उडान गर्दा पनि निगमले सातामा तीन उडान गर्ने गरेको थियो । जेट ग्राउन्डेड भएपछि पनि यस रुटमा निगमले कुनै उडान थपेन । निगमका प्रवक्ता नवराज कोइरालाले भारतीय रुटमा यात्रुको चापलाई ख्याल गरेर उडान व्यवस्था गरेको र थप्न आवश्यक नदेखिएको दाबी गरे । नयाँ पत्रिकामा खबर छ ।
