०८ असार २०८३, सोमबार
काठमाडौं – भारतको मध्य प्रदेशको छतरपुरमा एक युवक प्राइभेट अस्पतालमा पेट दुख्यो भन्दै पुगे । चिकित्सकले युवकको स्वास्थ्य परीक्षण गर्दा पेटमा गडबडी देखे ।
युवकको पेटको दुई घन्टासम्म अपरेसन चल्यो । पेटबाट आरा, फलामको पाता, बोरा सिउने लामो सियो, थुप्रै डटपेन, रबर, बल लगायत ३३ वस्तु फेला परे ।
डा एमपीएन खरेले रोगी योगेन्द्र ठाकुरको पेटको सीटी स्क्यान गर्दा पेटमा फलामजन्य वस्तुहरू देखेको बताए ।
ठाकुरलाई फलामे वस्तु खाने बानी लागेको थियो ।
ठाकुरका दाइ सतीशले बताएअनुसार, उनलाई फलामे वस्तु अनि धारिला कुरा खाने बानी लागेको थियो । डा खरेले जिन्दगीमा पहिलोपटक कुनै व्यक्तिको पेटबाट यति धेरै वस्तु निकालेको बताए ।
एजेन्सी
