१३ असार २०८३, शनिबार
काठमाडौं – रुसकी प्रभावशाली इन्स्टाग्राम सेलेब्रिटी एकातेरिना काराग्लानोभाको शरीर मस्कोस्थित उनको डेरामा सुटकेसमा खाँदिएको अवस्थामा फेला परेको स्थानीय सञ्चारमाध्यमले जनाएका छन् । उनको शरीर उनका आमाबुवाले भेटेका थिए ।
काराग्लानोभाका इन्स्टाग्राम अकाउन्टमा ८५ हजारभन्दा बढी फलोअर छन् ।
उनको घाँटी रेटिएको अवस्थामा फेला परेको हो ।
यी २४ वर्षीया युवतीको शरीर शुक्रवार भेटिएको हो । उनले हालै मात्र छाला रोगमा मेडिकलको पढाइ सकेकी थिइन् ।
केही दिनदेखि उनको कुनै खबर नआएपछि उनका मातापिता चिन्तित भएर उनको डेरा पुगेका थिए । उनीहरू सुटकेसभित्र उनको शरीर कोचेर राखिएको अवस्थामा भेटे ।
रुसी सञ्चारमाध्यमका अनुसार, कुनै संघर्ष भएको वा घटनास्थलमा कुनै हतियार नभेटिएको प्रहरीले बताएको छ ।
सीसीटीभी फूटेज हेर्दा काराग्लानोभाका पूर्वप्रेमी उनी हराएताका उनको डेरा गएको देखिन्छ । तर यसमा थप अनुसन्धान भए नभएको बारेमा प्रहरीले केही पनि बताएको छैन ।
काराग्लानोभाले लोकप्रिय यात्रा ब्लग पनि चलाउँथिन् र ब्लगका हजारौं सब्स्क्राइबर छन् ।
एजेन्सी
