नयाँ दिल्ली, १५ चैत– भारतीय कमेडियन कपिल शर्मासँगको झगडापश्चात कार्यक्रम छोडेका भनिका सुनिल ग्रोवर (डा. मशहूर गुलाटी) पुनः कपिलकै कार्यक्रममा फर्किने भएका छन् ।
भारतीय सञ्चारमाध्यमका अनुसार डा. गुलाटी ‘कपिल शर्मा शो’को सुटिङमा गएका छन् ।
सुनिल मात्र नभई कार्यक्रमका अन्य सदस्य चन्दन प्रभाकर र अली असगर पनि कार्यक्रममा फिर्ता भएको खबर भारतीय मिडियाले प्रकाशित गरेका छन् ।
स्मरण रहोस्, केहि दिन पहिले अष्ट्रेलियाबाट दिल्ली आउने क्रममा विमान भित्रै भएको झगडा पछि डा. गुलाटीले कार्यक्रमको सुटिङ गर्न अश्विकार गरेका थिए ।
डा. गुलाटीले मात्र नभई कपिलको अभद्र व्यवहारका कारण अली असगर, चन्दन प्रभाकर र सुगन्धा मिश्राले पनि कपिलको साथ छोडिदिएको खबर सार्वजनिक भएको थियो ।
कार्यक्रममा सदस्यको कमीका भएकाले कपिलले तापसी पन्नू र मनोज बाजपेयीको कार्यक्रमका लागि राजू श्रीवास्तव, सुनिल पाल र एहसान कुरैशीलाई बोलाएका थिए ।
