१० असार २०८३, बुधबार
काठमाडौं – नेपाली सेनाले जलविद्युत् परियोजनामा लगानी गर्न सैनिक ऐन–२०६३ संशोधनको तयारी गरेको छ ।
ऐन संशोधनपछि सेनालाई प्रवद्र्धकका रूपमा परियोजनामा लगानी गर्न बाटो खुला हुनेछ ।
सेनाको कानून विभाग प्रमुख उपरथी रत्नप्रकाश थापाले जलविद्युत परियोजनामा नेपाली सेना प्रवद्र्धक बनेर लगानी गर्नसक्ने गरी सैनिक ऐन–२०६३ संशोधनको तयारी भइरहेको जानकारी दिए । सरकारले सेनालाई २ वटा परियोजनामा लगानी गर्न सुझाएको छ ।
सरकारले सैनिक कल्याणकारी कोषको लगानीबाट मनाङको भीमदाङ र लमजुङको दूधखोला जलविद्युत् परियोजना निर्माणको जिम्मा सेनालाई दिने तयारी गरेको छ । सेनाले पनि प्रवद्र्धकको रूपमा जलविद्युत् परियोजनामा लगानी गर्न चासो देखाएको छ । गोरखापत्र दैनिकमा खबर छ ।
