काठमाडौं– देशभर अवैध क्लिनिक खोलेर भइरहेको भ्रूणहत्या रोक्न कांग्रेस कोषाध्यक्ष सीतादेवी यादवले माग गरेकी छन् ।

प्रतिनिधि सभाको मंगलवार बसेको बैठकको शून्य समयमा कांग्रेस सांसद यादवले देशभर महिला हिंसाको घटना भइरहँदा पनि सरकार कानमा तेल हालेर बसेको आरोप लगाएकी हुन् । 

‘शून्य समयमा बोलेको कुराको सुनुवाई हुँदैन भन्ने त सर्वविदितै भइसकेको छ । तर पनि देशभर अवैध क्लिनिक खोलेर भइरहेको भ्रूण हत्या रोक्न सरकारको ध्यानाकर्षण गराउँछु,’ यादवले भनिन् ।