काठमडौं, १६ चैत– प्रधानमन्त्री पुष्पकमल दाहाल ‘प्रचण्ड’ साताव्यापी चीन भ्रमण सकेर आज स्वदेश फर्कदै छन् । प्रधानमन्त्री प्रचण्ड आज साढे १० बजे काठमाडौं आउने उनको निजि सचिवालयले जनाएको छ । मंगलबार मात्र प्रधानमन्त्री चीनको स्वशासित क्षेत्र तिब्बत आएका थिए ।
चीनका हाइनान प्रान्तमा आयोजि बोआओ सम्मेलमा सहभागी हुन प्रधानमन्त्री प्रचण्ड चैत्र १० मा त्यसतर्फ गएका थिए ।
चीन भ्रमणका क्रममा उनले चिनियाँ राष्ट्रपति सी जिनपिङदेखि उच्च अधिकारीसँग भेट गरेका थिए । भेटमा चिनियाँ राष्ट्रपतिले नेपालको स्थानीय चुनावका लागि ९ मिलियन युयान सहयोगको प्रतिबद्धता जनाएका थिए ।
प्रधानमन्त्री प्रचण्डको भ्रमणका क्रममा चिनियाँ राष्ट्रपतिको नेपाल भ्रमणका विषयमा पनि सकरात्मक कुराकानी भएको छ । यस्तै १२ वैशाख २०७२ को भूकम्पपछि बन्द रहेको तातोपानी नाका फेरि संचालन गर्ने विषयमा पनि प्रधानमन्त्रीले छलफल गरेका छन् ।
