२८ जेठ २०८३, बिहीबार
काठमाडौं – दक्षिण अफ्रिकाको लिमपोपोमा सुस्त मनस्थिति भएकी एक किशोरीलाई बलात्कार गरेको आरोप लागेका एक व्यक्तिलाई भीडले जिउँदै आगो लगाएर मारेको छ ।
उक्त ३९ वर्षीय व्यक्तिको डढेको भौतिक अवशेष प्रहरीले फेला पारेको थियो ।
स्थानीय समुदायले उनीमाथि १७ वर्षीया किशोरीलाई दाउरा संकलन गर्ने क्रममा बलात्कार गरेको आरोप लगाएको सोवेतान लाइभले लेख्यो ।
प्रहरी प्रवक्ता मोत्शे न्गोएपेले उक्त किशोरी अन्य महिलाहरूसँग हुँदा ती पुरुषले आक्रमण गरेको बताए ।
उनले भने, ‘अन्य महिलाहरू भाग्न सफल भए अनि किशोरीलाई त्यहीँ छोडे । त्यसपछि ती व्यक्तिले उनलाई बलात्कार गरेको आरोप छ ।’
समुदायका मानिसले बलात्कारको बारेमा सुनेपछि यस विषयमा कुराकानी गरेको बताइएको छ ।
सोमवार उनीहरूले ती व्यक्तिलाई खोजेर विभिन्न वस्तुले आक्रमण गरेको अनि आगो लगाइदिएको अधिकारीहरूले बताए ।
प्रहरीले हत्याको मुद्दामा अनुसन्धान थालेर उक्त व्यक्तिको मृत्युका विषयमा कुनै पनि सूचना दिन अपील गरेको छ ।
अहिलेसम्म कसैलाई पक्राउ गरिएको छैन र कुनै पनि आरोपितको पहिचान पनि गरिएको छैन ।
लिम्पोपो प्रहरी कमिस्नर न्नेके लेदवाबाले भीडबाट हुने हिंसाको निन्दा गरे अनि समुदायका मानिसलाई कानूनको सम्मान गर्न आह्वान गरे ।
एजेन्सी
