१३ असार २०८३, शनिबार
काठमाडौं–अन्तराष्ट्रिय दूरसञ्चार संघ (आईटीयू)ले नेपाललाई उपलब्ध गराएको स्टलमा नेपालले ३० अर्ब खर्चेर राख्न लागेको कम्युनिकेसन स्याटेलाइट प्रसारकहरूका लागि अनुपयुक्त हुने देखिएको छ ।
नेपालमा अहिले ६ सय मेगाहर्ज स्याटेलाइट ब्याण्डविध खपत भैरहेको अनुमान छ । तीमध्ये करिब ५ सय मेगाहर्ज ब्याण्ड डिसहोमले खपत गर्छ ।
डिसहोमले नेपालले राख्न लागेको स्याटेलाइट आफ्ना लागि अनुपयुक्त हुने जनाएको छ ।
‘सरकारले स्याटेलाइट राखे हामी त्यसलाई प्रयोग गर्छौ’ डिसहोमका प्रबन्ध निर्देशक सुदीप आचार्यले भने, ‘तर सरकारले १२३.३ पूर्व देशान्तरमा राख्न लागेको स्याटेलाइट हाम्रा लागि प्राविधिक रूपमा उपयुक्त हुन्न । यसबारे मन्त्रालयलाई जानकारी गराइसकेका छौं । प्राविधिक विषयहरू प्रस्ट पार्न अनुरोध गरेका छौं ।’ कान्तिपुर दैनिकमा खबर छ ।
