१९ असार २०८३, शुक्रबार
काठमाडौं–काठमाडौं महानगरपालिका–४ धूम्रबाराहीमा वृद्धाश्रम निर्माणका लागि रु ६ करोड मूल्य बराबरको १२ आना दुई पैसा दुई दाम जग्गादान गरिएको छ ।
लायन्स क्लब अफ काठमाडौँ धूम्रबाराहीले निर्माण गर्न लागेको लायन वृद्धाश्रम भवन निर्माणका लागि स्थानीयवासी बलरामप्रसाद चापागाईँले जग्गादान गरेका हुन् ।
जग्गादानसँगै वृद्धाश्रमको भवन निर्माणका लागि शिलान्यास गरिएको छ ।
उक्त भवनका जग्गादाता चापागाईँं, काठमाडौं महानगरपालिका–४ का अध्यक्ष मोहन विष्ट र लायन्स क्लब डिस्ट्रिक ३२५ ए २ को गभर्नर शोभा जोशीले संयुक्तरूपमा शिलान्यास गरे।
रु दुई करोड लागतमा बन्ने भवन साढे दुईतले हुने भवन निर्माण समितिका संयोजक धनराज बडालले जानकारी दिए।
