२८ जेठ २०८३, बिहीबार
काठमाडौं –एनआइसी एशिया बैंकको चार नयाँ शाखा र एक शाखारहित बैंकिङ्ग सेवा सञ्चालनमा आएको छ । ती शाखाहरू आइतवारदेखि सञ्चालनमा आएको बैंकले जनाएको हो ।
बैंकका अनुसार, रुकुम पूर्वको सिस्ने गाउँपालिका वडा नं ६ पूर्व रुकुमस्थित रुकुमकोट शाखाकोे उद्घाटन सिस्ने गाउँपालिकाका अध्यक्ष कुमारी बरालले गरेका थिए ।
त्यस्तै चितवनको भरतपुर महानगरपालिका वडा नं १८ स्थित चनौली शाखाको उद्घाटन बैंकका उपप्रादेशिक कार्यालयका प्रमुख विश्व पौड्यालले गरेका थिए ।
चितवनकै राप्ती नगरपालिका वडा नं ५ स्थित भण्डारा शाखाको समुद्घाटन राप्ती नगरपालिकाका प्रमुख प्रशासकीय अधिकृत मिठाराम हुमागार्इँले गरेका थिए । साथै काठमाडौं कागेश्वरी मनहरा नगरपालिका वडा नं ९ काँडाघारीस्थित काँडाघारी शाखाको उद्घाटन बैंकका उपप्रादेशिक कार्यालयका प्रमुख वन्दना पोखरेलले गरेकी थिइन् ।
यसैगरी झापा जिल्लाको कचनकवल गाउँपालिका वडा नं. ३ को पथरिया नयाँबजारमा बैंकको ४२औंं शाखारहित बैंकिङ्ग सेवा आइतवारदेखि संचालनमा आएको छ ।
बैंकले संचालनमा ल्याएको पथरिया नयाँबजार शाखारहित बैंकिङ्ग सेवाको उद्घाटन कचनकवल शाखाका शाखा प्रबन्धक प्रविण खड्काले गरेका छन् ।
