१३ असार २०८३, शनिबार
काठमाडौं – मेक्सिकोको इकाटेपेकमा २० जना व्यक्तिलाई मारेर तिनको मुटु कुकुरहरूलाई खुवाउने एक व्यक्तिलाई ३२७ वर्षको कारावास सजाय दिइएको छ ।
हुआँ कार्लोस हर्नान्डेज र उनकी प्रेमिका पेट्रिसिया मार्टिनेज बेर्नाललाई इकाटेपेका राक्षस भन्ने गरिएको थियो । बेर्नालले पनि ३२७ वर्षको कारावास सजाय पाएकी छन् ।
नाम नखुलेकी एक महिलाको हत्या सन् २०१८ को मार्च महिनामा गरेको पत्ता लागेपछि यस जोडीले थप ४० वर्षको सजाय पाएको थियो ।
जोडीलाई सन् २०१८ को अक्टोबर महिनामा पक्राउ गरिएको थियो । उनीहरूले सडकमा बच्चाको कोक्रोमा मानव अंगहरू बोकेर हिँडिरहेको बेलामा पक्राउ गरिएको थियो ।
उनीहरूको घरको खानतलासी गर्दा प्रहरीले अनेकौं महिलाको लाश टुक्राटुक्रा पारेर राखिएको भेटेको थियो ।
बेर्नालले महिलाहरूलाई सामान किन्नका लागि फकाएर घर लग्ने गरेको अनि हर्नान्डेजले उनीहरूलाई मार्ने गरेको खुलेको छ ।
एजेन्सी
