काठमाडौं, २१ चैत– काठमाडौं उपत्यका खानेपानी लिमिटेड (केयुकेएल)को झण्डै डेढ अर्ब रुपैयाँ महशुल उठ्न बाँकी छ ।
खानेपानीको प्रयोग गर्ने तर बिल नतिर्ने उपभोक्ताका कारण केयुकेएलको बक्यौता बढेको हो । केयुकेएलले २०६४ सालयता खानेपानी वितरण गरेवापतको महशुल उठाउन सकेको छैन ।
खानेपानीको प्रयोग गरे पनि बिल नतिर्नेमा सरकारी मातहतका निकाय र निजी प्रयोजनका संख्या छन् । ती संस्थाहरुबाट १ अर्ब ४३ करोड रुपैयाँ महशुल उठाउन बाँकी छ ।
खानेपानीको महशुल नतिर्ने सरकारी निकायमध्ये नेपाल विद्युत प्राधिकरण अग्र स्थानमा छ । आफ्ना ग्राहक (विद्युत उपभोक्ता)ले विजुलीको बिल नतिरे लाइन काट्दै आएको विद्युत प्राधिकरण आफैंले भने खानेपानी वापतको ५० करोड रुपैयाँ बुझाएको छैन । आजको नयाँ पत्रिका दैनिकमा समाचार छ ।
