३१ जेठ २०८३, आइतबार
काठमाडौं – केन्याको मासई मारामा आमा जिराफले सन्तानलाई भोकी सिंहिनीबाट जोगाउनका लागि लात हानेकी छन् । तर दुर्भाग्यवश उनको लात गलत ठाउँमा परेर आफ्नै सन्तानलाई लागेर त्यो मरेको छ ।
यस भयानक आक्रमणमा आत्तिएकी आमा जिराफले सिंहिनीलाई लात हानेकी थिइन् तर राम्ररी आँखा नदेखेपछि आफ्नै सन्तानलाई हिर्काउन पुगिन् ।
उनको प्रहार खतरनाक थियो र भखैरै जन्मेको सन्तान बाँच्ने सम्भावना छैन भन्ने थाहा पाएकी सिंहिनीले अलि टाढा गएर बच्चो जिराफ मरेको कुरिरही ।
सन्तान मर्न लागेपछि चिन्तित जिराफले उसलाई जीवित बनाउन कोशिश गर्दै घुमीघुमी हेरेकी थिइन् ।
यो हृदयविदारक घटनाको भिडियो दक्षिण अफ्रिकाका वन्यजन्तु फोटोग्राफर माइक डेक्सटरले खिचेका हुन् ।
उनले घन्टौं लगाएर यो भिडियो खिचेका हुन् ।
सफारी गाइड पनि रहेका यी प्रसिद्ध फोटोग्राफरलाई यो घटनाले निकै पीडा दिएको थियो ।
भिडियो हेर्न यहाँ क्लिक गर्नुहोला
एजेन्सी
