गायक हिमाल सागरले ‘तिम्रो चोलीको तुनामा’ नामको गीत सार्वजनिक गरेका छन् । उनले सो गीतको भिडियो युटुब मार्फत सार्वजनिक गरेका हुन् ।

हिमालले केही समय पहिले सार्वजनिक गरेको ‘तिम्रो चोलीको तुनामा’ बोलको अडियोलाई भिडियो बनाएर युट्युबमा सार्वजनिक गरेका छन् ।

गीतमा अहिलेकी चर्चित नायिका प्रियंका कार्की र हिमालको भूमिका देख्न सकिन्छ । उनीहरु सफ्ट रोमान्समा छन् । हिमालर्क शब्द रहेको सो गीतमा संगीत र एरेन्ज राजन इसानले गरेका छन् । हरी हुमागाईको छायांकन रहेको गीतलाई अर्जुन अधिकारीले निर्देशन गरेका हुन् ।

हिमाल सागरले गीतको अडियोलाई दर्शकले धेरै रुचाएका कारण आफूले भिडियो पनि सार्वजनिक गरेको बताए ।