०४ असार २०८३, बिहीबार
गण्डकी प्रदेशको पूर्वी नवलपरासीस्थित बौदिकाली गाउँपालिका वडा नम्बर ५ को वडाध्यक्षका लागि भएको उपनिर्वाचनमा ७२ प्रतिशत मत खसेको छ ।
कूल ८ सय ५३ मतदाता रहेको वडामा ६ सय १५ मत खसेको मुख्य निर्वाचन अधिकृत अर्जुन अधिकारीले बताए । वडामा मतदान शान्तिपूर्ण रुपमा सम्पन्न भएको छ ।
वडाध्यक्षका लागि ३ जनाले उम्मेदवारी दिएका छन् । नेकपाबाट खिमबहादुर थापा खरू मगर, नेपाली कांग्रेसबाट तुलबहादुर राना र समाजवादी पार्टीबाट प्रितमबहादुर राना उम्मेदवार छन् ।
शनिवार राति ९ बजेबाट मतगणना शुरू हुने र आइतवार बिहानसम्म परिणाम आइसक्ने निर्वाचन अधिकृतको कार्यालयले जनाएको छ ।
