बाँकेको कोहलपुरमा स्कूले विद्यार्थीमाथि आइतवार प्रहरीले गरेको दमनविरुद्ध नेपाल विद्यार्थी संघले राजधानीमा प्रदर्शन गरेको छ ।

नेविसंघ काठमाडौं जिल्ला समिति र पशुपति क्याम्पस इकाइको आयोजनामा सोमवार चाबहिलमा विरोध प्रदर्शन भएको हो ।

विद्यार्थीहरूले प्रहरी दमनविरुद्ध चर्को नाराबाजी गर्दै गृहमन्त्रीको राजीनामा समेत मागेका छन् ।

पशुपति क्याम्पसबाट शुरू भएको र्‍याली चाबहिल चोक परिक्रमा गरी क्याम्पसमै आएर समापन भएको थियो । 

ट्रकको ठक्करबाट कोहलपुर– १० निवासी प्रकृति चन्द गम्भीर घाइते भएपछि विद्यार्थीले ट्रकमा आगजनीसहित प्रदर्शन गरेको थियो ।

त्यसक्रममा प्रहरीले विद्यार्थीहरूमाथि दमन गरेको हो ।

सात कक्षामा अध्ययनरत प्रकृतिको दुवै खुट्टा कामै नलाग्ने गरी किचिएका छन् ।