१६ असार २०८३, मंगलबार
राष्ट्रपति विद्यादेवी भण्डारीले १३औं दक्षिण एसियाली खेलकुद प्रतियोगिता सागमा पदक विजेता सम्पूर्ण खेलाडीलाई बधाई दिएकी छन् ।
बुधवार ट्वीट गर्दै राष्ट्रपति भण्डारीले स्वर्णसहित सम्पूर्ण पदक विजेता खेलाडीलाई बधाई दिएकी हुन् ।
सागको सफल आयोजनाका लागि राष्ट्रिय खेलकुद परिषद्, प्रशिक्षक र निर्णायकलाई राष्ट्रपतिको धन्यवाद छ ।
'१३औं दक्षिण एसियाली खेलकुद (साग) मा स्वर्णसहित विभिन्न पदक हासिल गर्ने नेपाली खेलाडीलाई हार्दिक बधाई ! सागको सफल आयोजनाका लागि नेपाल खेलकुद परिषद्, प्रशिक्षक र निर्णायक सबैलाई धन्यवाद ! यस खेलले दक्षिण एसियाली मुलुक र जनताबीच रहेको सुमधुर सम्बन्ध थप प्रगाढ भएको महसूस गरेको छु,' राष्ट्रपतिले गरेको ट्वीटमा भनिएको छ ।
१३औँ दक्षिण एसियाली खेलकुद (साग) मा स्वर्णसहित विभिन्न पदक हासिल गर्ने नेपाली खेलाडीलाई हार्दिक बधाई ! सागको सफल आयोजनाका लागि नेपाल खेलकुद परिषद, प्रशिक्षक र निर्णायक सबैलाई धन्यवाद ! यस खेलले दक्षिण एसियाली मुलुक र जनताबीच रहेको सुमधुर सम्बन्ध थप प्रगाढ भएको महसुस गरेको छु ।
— Bidya Devi Bhandari President of Nepal (@PresidentofNP) December 11, 2019
