२५ जेठ २०८३, सोमबार
विदेशी विनिमय मुद्रामा अदालतबाट दोषी सावित भई फरार रहेका सिन्धुपाल्चोक, भोटेकोशी गाउँपालिका– २ तातोपानी निवासी ३२ वर्षीय गोम्दे तामाङलाई कारागार चलान गरिएको छ ।
जिल्ला अदालत सिन्धुपाल्चोकले विक्रम संवत् २०७३ वैशाख २२ गते गरेको फैसलाले उनलाई १ महिना कैदसहित १ करोड ८६ लाख १४ हजार ९८९ रुपैयाँ जरिवाना तोकेको थियो ।
लामो समयसम्म फरार रहेका तामाङलाई लुकिछिपी बसेका अवस्थामा सोमवार प्रहरीले घरबाटै पक्राउ गरी अदालतमा बुझाएको प्रहरी नायव उपरीक्षक माधवप्रसाद काफ्लेले जानकारी दिए ।
विदेशी विनिमय नियन्त्रण ऐनअन्तर्गत तोकिएको जरिवाना तिर्न नसकेपछि दोषी तामाङलाई थप ५ वर्ष कैद सजाय तोकी बुधवार कारागार चलान गरिएको अदालतका स्रेस्तेदार लेखनाथ पौडेलले बताए ।
