काठमाडौं, २८ चैत–नेकपा एमालेले सरकारले तयार गरेको नयाँ संविधान संशोधन प्रस्तावको विरोध गरेको छ ।
सोमबार पार्टी कार्यालय धुम्बाराहीमा बसेको स्थायी समिति वैठकमा कुनै ठोस तथा लिखित प्रस्ताव नआएको र संशोधनमा पूरानै अडान रहेको भन्दै संशोधनको विरोध गरेको हो ।
स्थानीय तह र प्रदेशको अधिकार कटैटीमा हुने खालको संशोधन कुनै पनि हालतमा मान्य नहुने एमालेले जनाएको छ ।
बैठकले बैशाख ३१ का लागि तय भएको चुनाव सार्न एमालेले अनुरोध गरेको भन्ने हल्ला निराधार भएको भन्दै खण्डन गरेको छ ।
एमाले स्थायी समिति बैठकले काठमाडौं जिल्ला कमिटीमा देखिएको विवाद समाधानका लागि पाँच सदस्यीय समिति बनाउने निर्णय गरेको छ ।
कार्यवाहाक पार्टी अध्यक्ष बामदेव गौतमको नेतृत्वमा माधव कुमार नेपाल, झलनाथ खनाल , अष्ठलक्ष्मी शाक्य र इश्वर पोखरेलको समिति बनाएको छ ।
