०८ साउन २०८३, शुक्रबार
ताइवानमा वायुसेनाको एक हेलिकप्टर दुर्घटनाग्रस्त हुँदा देशका एक शीर्ष सैन्य अधिकारीसहित आठजनाको मृत्यु भएको छ ।
राजधानी ताइपेइ बाहिरको पहाडमा बिहीवार उक्त दुर्घटना भएको हो । त्यसमा पाँचजना बाँच्न सफल भएको रक्षा मन्त्रालयले जनाएको छ ।
चीफ अफ जनरल स्टाफ जनरल शेन यी–मिङको दुर्घटनामा मृत्यु भएको हो ।
हेलिकप्टर ताइपेइबाट उत्तरपूर्वी शहर यिलानतिर गइरहेको थियो । दुर्घटना हुनुअघि उसले आपतकालीन अवतरणको प्रयास गरेको थियो ।
ताइवानको रक्षा मन्त्रालयका अनुसार, यूएच–६०एम ब्ल्याकहक हेलिकप्टरमा १३ जना सवार थिए । बिहान ७ः५० मा उडेको विमान केही समयपछि नै दुर्घटनामा परेको थियो ।
दश मिनेटपछि नै हेलिकप्टर राडार स्क्रीनबाट हराएको थियो र वुलाइको घना जंगल भएको पहाडी क्षेत्रमा ठोकिएको थियो ।
एजेन्सी
