मुलुकमै सबैभन्दा बढी उखु खेती हुने सर्लाही जिल्लाका तीन चिनी उद्योगमध्ये दुईवटा चिनी उद्योग उखु क्रसिङको मध्य सिजनमा पनि सञ्चालन हुन सकेका छैनन् । 

जिल्लाको उत्तरी भेगस्थित इन्दुशंकर चिनी उद्योग हरिवनले एक साताअघिबाट उखु क्रसिङ गरिरहेको छ तर दक्षिणी भेगमा पर्ने अन्नपूर्ण चिनी उद्योग धनकौल र महालक्ष्मी चिनी उद्योग बिहीवारबाट सञ्चालन गर्ने तयारी गरेपनि किसानले अवरोध गरेका छन् । 

गत वर्षकै पैसा बाँकी राखेर उखु क्रसिङ शुरू गर्न लागेको भन्दै सयौंको संख्यामा उद्योगमा पुगेका किसानले गत वर्षको पैसा नपाएसम्म उद्योग सञ्चालन हुन नदिने भन्दै अवरोध गरेका हुन् । गोरखापत्र दैनिकमा खबर छ ।