२५ जेठ २०८३, सोमबार
नक्कली भारतीय नोटसहित बिरगञ्जबाट एक जना पक्राउ परेका छन् ।
शनिवार राति प्रहरी टोलीले नक्कली भारतीय रुपैयाँसहित २९ वर्षीय रियाज देवानलाई पक्राउ गरेको जिल्ला प्रहरी कार्यालय, पर्साले जनाएको छ ।
विरगन्ज महानगरपालिका वडा नम्बर ८ बसपार्कमा चेकजाँचका क्रममा नक्कली ६ हजार भारतीय रुपैयाँसहित देवान पक्राउ परेका हुन् ।
उनको साथबाट रु २ हजार रुपैयाँका दरले ३ थान (६ हजार) भारतीय नक्कली नोट बरामद गरिएको प्रहरीले जनाएको छ । प्रहरीका अनुसार अहिले उनीमाथि आवश्यक अनुसन्धान भइरहेको छ ।
