०३ असार २०८३, बुधबार
माघ ९ गते हुने राष्ट्रिय सभा निर्वाचनका लागि नेपाल कम्युनिस्ट पार्टी नेकपाले प्रदेश ३ मा उम्मेदवारी मनोनयन दर्ता गराएको छ ।
नेकपाका तर्फबाट वेदुराम भुसाल र गंगा बेल्बासेले उम्मेदवारी दर्ता गराएका हुन् ।
भुसालको प्रस्तावक र समर्थकमा दोलखाबाट प्रतिनिधि सभा सदस्य रचना खड्का र चन्द्रागिरी नगरपालिकाकी उपमेयर लिशा नकर्मी छन् ।
यस्तै कागेश्वरी मनोहरा नगरपालिका काठमाडौंका मेयर कृष्णहरि थापाको प्रस्ताव र ललितपुरका प्रदेश सभा सदस्य राजकाजी महर्जनको समर्थनमा बेल्बासेले उम्मेदवारी दर्ता गराएकी छन् ।
उम्मेदवारी मनोनयन गराएपछि नेता भुसालले राष्ट्रिय सभा प्रतिनिधि सभाको अभिभावक सभा भएकाले सोही अनुसारको भूमकिा खेल्ने बताए ।
माघ ९ गते हुने निर्वाचनका लागि आज ७ वटै प्रदेशमा उम्मेदवारी मनोनयनको कार्यक्रम छ ।
