पूर्वराजा ज्ञानेन्द्र शाहले राष्ट्र नायकहरूको वीरगाथाबारे बोल्न नसक्ने? भन्दै प्रश्न गरेका छन्।

२९८औँ पृथ्वी जयन्तीको पूर्वसन्ध्यामा शनिबार शुभकामना सन्देश जारी गर्दै पूर्वराजा शाहले ‘जनमानसमा के छ के भइरहेको छ भन्ने सबैलाई स्पष्ट रहेको’ बताएका छन्। पृथ्वीजयन्ती आइतबार मनाइँदैछ।

उनले ‘राष्ट्र नायकहरूको वीरगाथाबारे बोल्न नसक्ने, माटोको सम्मानमा बोल्नै नहुने? भन्दै प्रश्न मात्र गरेका छैनन् ‘सत्य कहिल्यै हार्दैन, स्वाभिमान कहिल्यै मर्दैन’ उल्लेख गरेका छन्।
शाहले राष्ट्रिय अखण्डता र स्वाभिमानको अभिव्यक्तिलाई कुण्ठित पार्ने एवं मुलुकले नसोचेको र असान्दर्भिक विषयमा मुलुकलाई विवादमा पार्ने प्रयास कतैबाट हुनुहुँदैन भनेका छन्।

 मातृभूमि नेपाल सदा स्वतन्त्र, शान्त, अभिभाज्य र अखण्ड रहनुपर्ने उल्लेख गर्दै  देशको सबै भूभाग रक्षा र नेपालीको समृद्धिका लागि गहकिलो प्रयास हुनुपर्ने उनले बताएका छन्।