सिन्धुपाल्चोकको भोटेकोशी गाउँपालिका–२ तातोपानीमा कलाछेमा सोमवार बेलुका झरेको सुक्खा पहिरोले भैरवकुण्ड विद्युत् आयोजनामा व्यापक क्षति पुगेको छ ।
क्षति पुगेसँगै ३.१ मेगावाट विद्युत् उत्पादनसमेत बन्द भएको छ ।

पहिराबाट कार्यालय भवन, बाँध र १ स्काभेटर समेत पुरिएका छन् । करीब २५० मिटर लम्बाइ र १५० मिटर चौडाइको पहिराबाट भैरवकुण्डस्थित लार्चाखोलाको ३ भाग पानीमध्ये १ भाग थुनिएको जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले जानकारी दिए ।