०४ साउन २०८३, सोमबार
विश्वकै होचा व्यक्तिका रूपमा गिनिज बूकमा कीर्तिमानी नाम राखेका खगेन्द्र थापामगरको निधन भएको छ ।
शुक्रवार दिउँसो पोखरास्थित मणिपाल शिक्षण अस्पतालमा उपचारार्थ रहेका थापामगरको निधन भएको हो ।
उनी २८ वर्षका थिए । उनलाई बिहीवार राति अस्पतालमा भर्ना गरिएको अस्पतालले जनाएको छ । खगेन्द्रमा मुटुको समस्या थियो ।
बाग्लुङमा जन्मेका खगेन्द्र जम्मा ५७ सेन्टिमिटरका थिए । उनले २०६७ साल असोज २८ गते विश्वकै होचा व्यक्तिका रूपमा किर्तिमान कायम गरेका थिए ।
