०२ असार २०८३, मंगलबार
उत्तारचढावकावीच कारोबार हुँदै आएको पहेलो धातुको मूल्य स्थानीय बजारमा माघयता उच्च विन्दुमा पुगेको छ ।
नेपाल सुनचाँदी व्यवसायी महासंघका अनुसार बिहीबार छापावाला सुनको
मूल्य प्रतितोला ७६ हजार ३ सय रुपैयाँ र तेजाबी सुनको मूल्य प्रतितोला ७६ हजार रुपैयाँ पुगेको छ ।
स्थानीय बजारमा सुनको मूल्य प्रतितोला ७ सय रुपैयाँले बढ़ेको हो । यही सोमबार र मंगलबार प्रतितोला ७६ हजारमा कारोबार भइरहेको छापावाला सुनको मूल्य बुधबार सामान्य घटेर प्रतितोला ७५ हजार ६ सय रुपैयाँ पुगेको थियो ।
सुनको मूल्य बढेसँगै चाँदीको मूल्यमा प्रतितोला १० रुपैयाँले वृद्धि भएको छ । नेपाली बजारमा चाँदीको मूल्य प्रतितोला ८ सय ८० रुपैयाँ पुगेको छ ।
यसअघि गत पुस २३ गते नेपाली बजारमा सुनको मूल्यले नयाँ रेकर्ड कायम गरेको थियो । सो दिन छापावाला सुनको मूल्य प्रतितोला ७६ हजार ५ सय रुपैयाँ र तेजाबी सुनको मूल्य प्रतितोला ७६ हजार २ सय रुपैयाँ पुगेको थियो ।
पछिल्लो समय अन्तर्राष्ट्रिय बजारमा सुनको मूल्य निरन्तर उकालो लाग्ने क्रममा छ । विश्व बजारमा बिहीबार सुनको मूल्य प्रतिअंस हजार ५ सय ८२ अमेरिकी डलर पुगेको छ ।
खपत ओरालो
पछिल्लो समय विश्व बजारमा देखिएको व्यापार द्वन्द्वका कारण सुनको मूल्यमा भारी वृद्धि हुन थालेको हो ।
अमेरिका-चीन व्यापार युद्ध, अमेरिका-इरान तनाव केही मत्थर भए पनि निष्कर्षमा पुग्न नसक्दा अन्तर्राष्ट्रिय बजारमा सुनको मूल्यवृद्धि भएको व्यवसायीको भनाइ छ ।
सुनका मूल्य लगातार उकालो लागेसँगै स्थानीय बजारमा सुनको खपत ओरालो लाग्न थालेको छ ।
महासंघका अनुसार पछिल्लो समय सुनको व्यापार ७५ प्रतिशत हाराहारीमा खुम्चिएको छ ।
करिब २५ देखि ३० किलो सुन खपत हुँदै आएको नेपाली बजारमा अहिले मुस्किलले १० किलो सुन पनि बिक्री हुन नसकेको महासंघले जनाएको छ । कारोबार दैनिकमा खबर छ ।
