२६ जेठ २०८३, मंगलबार
सरकारमा नजाने बरू समाजवादीसँग एकता गर्ने मुडमा राजपा
राष्ट्रिय जनता पार्टी (राजपा) नेपालका अध्यक्ष मण्डलका संयोजक तथा सांसद महेन्द्रराय यादवले तत्काल आफ्नो सरकारमा जाने कुनै सम्भावना नरहेको प्रस्ट पारेका छन् ।
रिपोटर्स क्लबद्वारा आयोजित साक्षात्कारमा (राजपा) सरकारमा जाने चर्चा चरिरहेको सन्दर्भमा अध्यक्ष मण्डलका संयोजक यादवले सरकारमा जानेबारे पार्टिभित्र कुनै छलफल नभएको र तत्काल सरकारमा जाने सम्भावन नरहेको बताएका हुन् ।
उनले भने, 'सरकारमा सहभागी हुनेबारे हाम्रो पार्टीभित्र कुनै छलफल भएको छैन् । त्यसैले सरकारमा जाने सम्भावना छैन् । प्रधानमन्त्रीसँग पनि सरकारमा जाने विषयमा कुनै छलफल भएको छैन् ।'
संयोजक यादवले तत्काल सरकारमा जाने सोच नभए पनि आफ्ना विगतका मुद्दा र मागलाई वर्तमान सरकारले सम्बोधन गरेको खण्डमा भने विचार गर्न सकिने प्रष्ट्याए ।
उनले यादवले राजपा नेपाल र समाजवादी पार्टीबीच एकताको प्रक्रिया अघि बढिरहेकोले छिट्टै एकता हुने विश्वास दिलाए ।
सकियो नेकपाको समूहगत छलफल - शुक्रवार अपराह्न निष्कर्ष पेश गरिने
सत्तारूढ दल नेपाल कम्युनिस्ट पार्टी (नेकपा)का केन्द्रीय सदस्यहरूले बिहीवारको छलफल सम्पन्न गरेका छन् ।
चालू केन्द्रीय कमिटीको बैठक अन्तर्गत ४ सय ४५ केन्द्रीय कमिटी सदस्यहरूलाई अध्यक्षद्वयको राजनीतिक प्रतिवेदन, सांगठनिक प्रतिवेदन र विधान संशोधन प्रस्तावमाथि छलफल गरेका हुन् ।
शुक्रवार अपराह्न बस्ने बैठकमा १५ वटै समूहका टोली नेताहरूले छलफलको निष्कर्ष प्रस्तुत गर्नेछन् ।
१० नम्बर समूहले भने थप छलफल गर्ने भन्दै शुक्रवार बिहानको समयलाई तोकेको छ । समूहका सदस्य युवराज चौलागाईंले लोकान्तरलाई विधान संशोधनका बुँदाहरूमा छलफल हुन नसकेको बताए ।
'समय अभावका कारण सबै विषयमा छलफल हुन सकेन,' चौलागाईंले भने, 'भोलि बिहान पुनः छलफल गर्नेछौं र दिउँसोको बैठकमा निष्कर्ष प्रस्तुत गर्नेछौं ।'
नेकपाले केन्द्रीय कमिटीको दोस्रो पूर्ण बैठकको आयोजना गरेको हो । विधान अनुसार ६/६ महिनामा केन्द्रीय कमिटीको बैठक बस्नुपर्ने भएपनि अहिले करीब १८ महिनापछि बैठक बसेको हो ।
६७ हजारको चेकमा अगाडि २० थपी बीस लाख निकालेपछि ...
कीर्ते गरी रकम ठगी गरेको अभियोगमा काठमाडौं महानगरपालिका-१४ बल्खुस्थित ताहाचल सामुदायिक आवास व्यवस्थापन समाजका कार्यालय सचिव भोजपुर खडानन्द गाउँपालिका- ११ घर भएका ५६ वर्षीय सन्तोष घिमिरे पक्राउ परेका छन् ।
कार्यालय प्रयोजनका लागि सिद्धार्थ बैंक शाखा कार्यालय कुलेश्वरबाट २०७६ पुस ९ गते जारी भएको चेकमा ६७ हजार ९ सय १६ रुपैयाँको चेकलाई घिमिरेले अंक र अक्षर दुवैमा किर्ते गरी २० लाख ६७ हजार ९ सय १६ रुपैयाँ बनाई उक्त रकम निकाली ठगी गरी फरार भएको भन्ने सूचनाका आधारमा खटिएको प्रहरी टोलीले उनलाई बल्खुबाट पक्राउ गरेको हो ।
निज घिमिरेको कोठामा खन्तलासी गर्दा लुकाईछिपाइ राखेको १८ लाख नगद पनि बरामद भएको प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
नेविसंघको अध्यक्षमा राजीव ढुंगाना, वैद्य र कुँवर चुनिए महामन्त्री
लामो विवादपछि नेपाली कांग्रेसले नेपाल विद्यार्थी संघको ३ सदस्यीय तदर्थ समिति गठन गरेको छ ।
पार्टी सभापति शेरबहादुर देउवाले राजीव ढुंगाना अध्यक्ष रहनेगरी तदर्थ समिति गठन गरेका हुन् । यस्तै महामन्त्रीमा मनोज वैद्य र महेश्वरी कुँवरलाई मनोनित गरिएको छ ।
सभापति शेरबहादुर देउवाले सुनसरीका राजिव ढुंगानाको नेतृत्वमा नेविसंघ तदर्थ समिति गठन गरेका हुन्। संघको महामन्त्रीमा मनोज वैद्य र महेश्वरी कुँवरलाई मनोनित गरिएको छ।
केन्द्रीय समिति बैठकको निर्णय र पार्टी विधानअनुसार तदर्थ समिति गठन गरिएको कांग्रेसले विज्ञप्तिमार्फत जनाएको छ ।
