बलिउडका भर्सटाइल फिल्म निर्माता करन जोहरले हरर विधाको फिल्म ‘भूत पार्ट वन : द हन्डेट शिप’ बनाएका छन् । 

फिल्मको ट्रेलर सोमवार सार्वजनिक गरिएको छ । 

ट्रेलरमा जुहु बीचमा आइपुगेको एक जहाजको घोषणा शुरूमा आउँछ । फिल्मका नायक विक्की कौशल हातमा टर्च लिएर आउँछन् अनि त्यसपछि अनौठा घटनाहरू हुन थाल्छन् । 

यो फिल्म हरर फ्य्रान्चाइजीको पहिलो भाग हो । फिल्म फागुन ९ गते सार्वजनिक हुँदैछ । 

फिल्ममा विक्कीका साथै भूमि पेडनेकर र आशुतोष राणा पनि प्रमुख भूमिकामा छन् ।