जुम्ला– जुम्लाको कर्णाली स्वास्थ्य विज्ञान प्रतिष्ठानमा अनशन बसिरहेका डा. गोविन्द केसीले सरकारले पठाएको हेलिकप्टर चढेर काठमाडौं नजाने अडान लिएका छन् । 

विहीवार डा. केसीका समर्थकहरुलाई प्रहरीले बल प्रयोग गरेर अनशनस्थलबाट हटाएपछि उनले आफू काठमाडौं जान तयार रहेको बताएका थिए । 

प्रहरीले बल प्रयोग गर्दा करिब २० जना घाइते भएका छन् ।

सरकारले विहानमात्र केसीको उपचारका लागि काठमाडौं लैजाने भन्दै नेपाली सेनाको हेलिकप्टर पठाएको थियो तर केसीले भने काठमाडौं जानै परे आफ्नै हिसावले जाने तर सरकारसँग नझुक्ने बताएका छन् ।

विहान डा. केसीले आफूलाई सरकारले अपहरण गरेर काठमाडौं लान खोजेको भन्दै सरकारी गुण्डागर्दी स्वीकार नगर्ने बताएका थिए ।