१० साउन २०८३, आइतबार
भारत भ्रमणमा रहेका अमेरिकी राष्ट्रपति डोनल्ड ट्रम्प आगराको ताजमहल पुगेका छन् ।
ट्रम्प र मेलानियाले विश्वको सात आश्चर्यमध्ये एक र युनेस्को विश्व धरोहर ताजमहलको भ्रमण गर्दा घाम अस्ताउन लागेको थियो ।
अहमदाबादबाट आगरा जाने क्रममा एयर फोर्स वानमा ट्रम्पले पत्रकारहरूसँग कुरा गर्दै आफू कहिले पनि १७औं शताब्दीको ताजमहलको भ्रमण नगरेको तर त्यो अविश्वसनीय छ भन्ने सुनेको बताए ।
ताजमहलमा रहेको अतिथि पुस्तिकामा ट्रम्पले हस्ताक्षर समेत गरेका थिए ।
आगराको एयरबेसमा आइपुग्दा ट्रम्पलाई उत्तर प्रदेशका विभिन्न भागबाट आएका २५० कलाकारले मयूर नाच, राइ लोकनृत्य, बामरसिया नृत्य लगायत देखाएका थिए अनि नगाडा, ढोलक र मृदंग बजाएका थिए ।
ट्रम्प, मेलानिया र मोदीको चित्र भएको ठूलो बिलबोर्डमा भारतका सबभन्दा असल साथीलाई प्रेमको शहर आगरामा भव्य स्वागत छ भनी सन्देश लेखिएको थियो ।
