११ साउन २०८३, सोमबार
नेकपा सचिवालय सदस्य नारायणकाजी श्रेष्ठ ‘प्रकाश’ले संघीयताको रक्षा गर्न राष्ट्रिय सभाले विशेष भूमिका खेल्नुपर्ने बताएका छन् ।
सबै प्रदेशको समान प्रतिनिधित्व हुने एक मात्र संघीय निकाय भएकाले राष्ट्रिय सभाको विशेष भूमिका हुने उनको भनाइ थियो ।
बुधवार राष्ट्रिय सभाको शपथ लिएपछिको पहिलो सम्बोधनमा नेता श्रेष्ठले स्थायी संसद्को अभ्यास गर्नेगरी राष्ट्रिय सभाले परिपक्वता र विवेकको पुष्टि गर्नुपर्ने बताए ।
‘संघीयताको संवेदनशील प्रतिनिधित्व गर्ने भएकोले संघीयताको रक्षा गर्न राष्ट्रिय सभाको विशेष भूमिका छ,’ उनले भने । उनले सदनमा झण्डै २५ मिनेट लामो सम्बोधन गरेका थिए ।
शपथका लागि श्रेष्ठ दौरा–सुरुवाल लगाएर संसद् भवन पुगेका थिए । नेकपाभित्र पूर्व माओवादी खेमाका नेताहरूले दौरा–सुरुवाल लगाउन आनाकानी गर्ने गरेका छन् ।
श्रेष्ठसहित १८ जनाले आजै शपथ गरेर संसद्को लोगो लगाएका छन् ।
नेकपाका ९ जना सचिवालय सदस्यमध्ये श्रेष्ठ र रामबहादुर थापा ‘बादल’ राष्ट्रिय सभामा सहभागी शीर्ष नेता हुन् ।
