भूमि व्यवस्था, सहकारी तथा गरीबी निवारणमन्त्री पद्मा अर्याल सवार यती एअरलाइन्सको विमान ठूलो दुर्घटनाबाट जोगिएको छ ।

काठमाडौंस्थित त्रिभुवन अन्तर्राष्ट्रिय विमानस्थलबाट पोखराका लागि उडेको विमानमा प्राविधिक समस्या आएपछि त्रिभुवन विमानस्थलमै फर्किएर आपतकालीन अवतरण गरेको मन्त्री अर्यालको सचिवालयका एक सदस्यले जानकारी दिए ।

मन्त्री अर्यालले पनि विमानमा प्राविधिक समस्या आएका कारण आपतकालीन अवतरण गरिएको जानकारी आफूलाई गराइएको बताइन् ।

त्यसपछि केहीबेर विमानस्थलमै रोकिएकी मन्त्री अर्याल अर्को विमानमा पोखरा गएकी छन् । विमानका सबै यात्रु सुरक्षित छन् ।