१९ असार २०८३, शुक्रबार
चीनमा कोरोनाभाइरसका कारण तीन हजारभन्दा बढी मानिसका मृत्यु भइसकेको अवस्थामा हजामहरू तीनदेखि चार फीट परबाट कपाल काटिरहेका छन् ।
हेनान प्रान्तको सैलुनमा हजामहरूले मानिसको कपाल तीन वा चार फीटको दूरीबाट काटिरहेका छन् । कपालको साजसज्जा पनि अलिक परैबाट गरिने गरेको छ ।
हजामहरूले लामो लट्ठीमा कैंची, काइँयो, बुरुस झुण्ड्याएर कपाल मिलाइरहेका छन् ।
सिचुआन प्रान्तको लुझोउमा पनि हजामहरूले यही तरिका उपयोग गरिरहेका छन् ।
लुझोउका हजाम हे बिङले क्वारेन्टाइन अब लगभग सकिएको र मानिसहरू घरबाहिर निस्कन थालेको बताए । तर सुरक्षाका लागि टाढाबाट कपाल काट्न थालिएको उनको भनाइ छ ।
तर यसमा मेहनत बढी परिरहेको छ । सानासाना कुरामा ध्यान दिनुपरेको छ । अनि हात पनि शक्तिशाली हुनुपर्छ र मात्र त्यति परबाट सामान समातेर कपाल काट्न सकिन्छ ।
चीन सरकारले सार्वजनिक स्थलहरूमा एकअर्कासँग लगभग पाँच फीटको दूरी बनाउनुपर्ने आदेश दिएको छ ।
Chinese hairdresser.
— Farhang F. Namdar (@FarhangNamdar) March 1, 2020
In an epidemic, wash your hands and head more often.#Coronavirus #COVID19 #COVID2019 #CoronaOutbreak #ChinaCoronaVirus #كورونا #China #CoronaOutbreak pic.twitter.com/PVBzlt8E1S
