२१ जेठ २०८३, बिहीबार
भक्तपुरको चाँगुनारायण–९ स्थित जय ब्रम्हायणी इँटाभट्टामा खेल्दै गरेका डेढ वर्षीय बालकलाई इँट्टाभट्टामा माटो बोक्ने बा५ख ७९७१ नम्बरको मिनीटिप्परले ठक्कर दिएर मारेको छ ।
मृत्यु हुनेमा सर्लाही जिरायल घर भएका १९ वर्षीय ईश्वर मोक्तानका १८ महिने छोरा शिशिर मोक्तान रहेको महानगरीय प्रहरी परिसर भक्तपुरका प्रवक्ता प्रहरी नायब उपरीक्षक दीपक गिरीले जानकारी दिए ।
मध्यपुर अस्पताल ठिमी पुर्याउने क्रममा बालकको मृत्यु भएको जनाइएको छ ।
प्रहरीले सवारीसाधन र सवारी चालक भक्तपुर नगरपालिका–९ च्यामासिं बस्ने ४० वर्षीय श्याम फैजुलाई नियन्त्रणमा लिई थप अनुसन्धान गरिरहेको प्रहरी नायब उपरीक्षक गिरीले जानकारी दिए ।
