०७ साउन २०८३, बिहीबार
रुसमा कोरोनाभाइरसको संक्रमण ह्वात्तै बढ्ने चेतावनी दिइएसँगै रुसी सेनाले १६ वटा आकस्मिक अस्पतालहरू धमाधम बनाइरहेको छ ।
तीन हजार सैनिकहरू अहोरात्र खटेर अस्पताल बनाइरहेका छन् । अस्पतालहरू बनेपछि १६ सयजना रोगीलाई उपचार गर्न मिल्छ ।
रुसमा अहिले कोरोनाभाइरसका ८४० केस मात्र पुष्टि भएका छन् तर संक्रमणको दर बढ्न थालेको देखिएको छ ।
यसैबीच मस्कोले क्याफे, पसल, पार्क र अत्यावश्यकबाहेकका अन्य सेवाहरू शनिवारदेखि लागू हुने गरी बन्द गरिने घोषणा गरेको छ । भाइरस फैलिनबाट रोक्नका लागि यो अभूतपूर्व कदम चालिएको हो ।
राष्ट्रपति भ्लादिमिर पुटिनले मानिसहरूलाई एक हप्तासम्म घरैमा बस्न भनेका छन् ।
बिहीवार नयाँ अस्पतालहरूको निर्माणको घोषणा गर्दै रक्षामन्त्री सर्गे शोइगुलेले तीमध्ये आधा अप्रिलको मध्यसम्ममा अनि बाँकी आधा चाहिँ मे १५ सम्ममा तयार भइसक्ने बताए ।
