सेती प्रादेशिक अस्पताल धनगढीमा कोराना भाइरस (कोभिड १९)को आशंका गरिएकामध्ये हालसम्म १५ जना बिरामी डिस्चार्ज भएका छन् ।

अस्पतालले आइतबार एक सूचना जारी गर्दै उपचारपछि १५ जनालाई डिस्चार्ज गरेको जनाएको हो ।

जारी सूचना अनुसार अस्पतालमा हालसम्म २१ जना बिरामी भर्ना भएका थिए । जसमध्ये १९ जनाको थ्रोट स्वाव नमूना जाँचको लागि पठाइएको थियो ।

१९ जना मध्ये १ जनाको पोजिटिभ रिपोर्ट आएको छ । भने १५ जनाको नेगेटिभ र ३ जनाको रिपार्ट आउन बाँकी रहेको छ ।

यस्तै ६ जना विरामीहरुलाई आइसोलेसन वार्डमा राखिएको अस्पतालले जनाएको हो । यसैबीच शंकास्पद बिरामीहरुको संख्या बढ्दै गएपछि अस्पतालले आइसोलेसन कक्षमा वाईफाई सुविधासहित व्यवस्थापन गर्दै गएको छ ।