फिलिपिन्सका राष्ट्रपति रोड्रिगो डुटेर्टेले लकडाउन पालन नगर्ने जोकोहीलाई तत्कालै गोली हान्न सुरक्षाकर्मीलाई आदेश दिएका छन् । 

लकडाउन नमानेर दुःख दिन खोज्नेलाई तत्कालै गोली हान्न उनले प्रहरी प्रशासनलाई भनेका हुन् । 

सरकारको आदेश पालन गर्न उनले सबै देशवासीलाई आग्रह गरे । कसैले पनि स्वास्थ्यकर्मी र चिकित्सकलाई हानि नपुर्‍याउन चेतावनी दिँदै त्यसो गर्न खोज्नु गम्भीर अपराध भएको बताए । 

यसअघि पनि डुटेर्टेले लागूऔषध कारोबार गर्नेहरूलाई गोली हान्ने आदेश दिएका थिए । 

फिलिपिन्समा २३ सय ११ जनामा कोरोनाको संक्रमण देखिएको छ भने ९६ जनाको मृत्यु भइसकेको छ । राष्ट्रपति डुटेर्टेले पनि कोरोनाको जाँच गराएका थिए तर रिजल्ट नेगेटिभ आयो । तैपनि सतर्कताका लागि उनी सेल्फ आइसोलेसनमा गएका थिए ।