२२ असार २०८३, सोमबार
कोरोनाभाइरसको संक्रमण रोक्नका लागि सामाजिक दूरी कायम गर्नु अत्यावश्यक छ । मानिसहरू अहिले यसको पालन पनि गरिरहेका छन् ।
यसै क्रममा भारतको उत्तर प्रदेशस्थित हापुडमा बस्ने वकिल मुकुल त्यागीले सामाजिक दूरीका लागि घरनजिकैको रुखमा बस्न शुरू गरेका छन् ।
रुखमा बस्दा आफूलाई राम्रो अनुभव भइरहेको उनले बताए ।
उनले भने, ‘चिकित्सकहरूले कोरोना रोक्न सामाजिक दूरी नै प्रभावकारी भएको बताएपछि मैले एकान्तमा बस्न मन गरें र अहिले यसको आनन्द लिइरहेको छु ।’
रुखमा उनले खाट जस्तो कुरा पनि व्यवस्था गरेका छन् । त्यहाँ उनी आरामले सुत्न सक्छन् । उनी आराम गर्दागर्दै श्रीमद्भगवद्गीताको अध्ययन पनि गरिरहेका छन् ।
त्यागीले रुखमुनि एउटा झुला पनि बनाएका छन् । रुखबाट ओर्लेर उनी त्यहाँ पनि बस्ने गरेका छन् ।
