महामारीको रुपमा आएको कोरोना भाइरस नियन्त्रण रोकथाम तथा उपचारका लागि नेपाल–भारत महिला मैत्री समाजले प्रदेश सरकारलाई झण्डै १४ लाख बराबरको स्वास्थ्य सामग्री हस्तान्तरण गरेको छ । 

समाजका अध्यक्ष एवं प्रतिनिधि सभा सदस्य चन्दा चौधरीले उक्त सामग्रीहरू मुख्यमन्त्री लालबाबु राउतलाई हस्तान्तरण गरेकी छन् । 

मुख्यमन्त्री निवासमा हस्तान्तरण गरिएको उक्त स्वास्थ्य सामग्रीहरूमा पीपीई १५० थान, ग्लोब्स ४ हजार २ सय पचास, सेनिटाइजर पाँच सय एमएलको ८४ बोतेल, स्प्रे टैंक १० र सर्जिकल मास्क २ हजार थान रहेको छ । 

समाजले प्रदान गरेको स्वास्थ्य सामग्रीहरू विभिन्न अस्पतालमा पुर्‍याइने मुख्यमन्त्रीको सचिवालयले जनाएको छ।