०३ साउन २०८३, आइतबार
कालापानी क्षेत्रमा भारतले नेपाली भूमि अतिक्रमण गरेपछि सरकारले लिनुपर्ने रणनीतिको विषयमा छलफल गर्न प्रधानमन्त्री केपी शर्मा ओलीको आह्वानमा सर्वदलीय बैठक शुरू भएको छ ।
प्रधामनन्त्री निवास बालुवाटारमा शुरू भएको बैठकमा संसद्मा प्रतिनिधित्व गर्ने राजनीतिक दल र पूर्वप्रधानमन्त्रीहरू सहभागी छन् ।
प्रधानमन्त्री ओलीका प्रमुख राजनीतिक सल्लाहकार विष्णु रिमालले सर्वदलीय बैठकमा पूर्वप्रधानमन्त्रीहरूलाई समेत आमन्त्रण गरिएको जानकारी दिए ।
यसअघि भारतले नयाँ नक्सा जारी गरेपछि पनि प्रधामनन्त्री ओलीले सर्वदलीय बैठक आह्वान गरेका थिए ।
बुधवारको बैठकमा सरकारले कोरोनाविरुद्धको अभियानलाई कसरी प्रभावकारी बनाउने तथा लकडाउनलाई थप प्रभावकारी र व्यवस्थित कसरी बनाउने भन्नेबारे पनि छलफल हुने स्रोतले बतायो ।
