२४ जेठ २०८३, आइतबार
जर्मनीको एउटा क्याफेले आफ्ना ग्राहकहरूलाई घोचा भएको टोपी लगाउन दिएको छ । ग्राहकहरूबीच सामाजिक दूरी कायम गराउनका लागि यस्तो टोपी बाँडिएको हो ।
देशमा लकडाउन क्रमशः खुकुलो बनाउँदै लगिएपछि सामाजिक दूरी कायम गराउन विभिन्न प्रयास गरिन थालेका छन् ।
श्वेरिन भन्ने ठाउँमा क्याफे यान्ड कोन्डिटोरेइ रोथे बाहिर बसेका ग्राहकले स्विमिङ पूल नूडलहरू टाँसिएका स्ट्र ह्याट लगाउनुपर्ने बनाइएको छ ।
ग्राहकहरूले सामाजिक दूरीको नियम उल्लंघन नगरून् भनी क्याफेले यस्तो अनौठो टोपी बनाएको हो ।
क्याफेले त्यही टोपी बारम्बार प्रयोग गरे पनि त्यसलाई धुने गरेको छ कि छैन भनी मानिसहरूले चिन्ता व्यक्त गरेका छन् ।
