०७ साउन २०८३, बिहीबार
नेपालमा कोभिड- १९ बाट मृत्यु हुनेको संख्या १० पुगेको छ ।
पाल्पाको पूर्वखोला गाउँपालिकाका ४५ वर्षीय पुरुषको २० गते मृत्यु भएको, र मृत्यपछि आएको स्वाब परीक्षणको नतिजामा कोभिड– १९ पोजेटिभ देखिएको स्वास्थ्य मन्त्रालयका प्रवक्ता डा. विकास देवकोटाले जानकारी दिए ।
उनी भारतबाट फर्किएपछि स्थानीय क्वारेन्टाइनमा बसेका थिए ।
स्वास प्रश्वासमा समस्या देखिएपछि उनलाई मिसन अस्पताल पाल्पामा भर्ना गरिएको थियो । अस्पतालमा उपचाररत रहँदा उनको मृत्यु भएको प्रवक्ता देवकोटाले बताए ।
