एमाले संसदीय दलको कार्यालय सिंहदरबारमा आज बसेको नौ दलीय गठबन्धनको बैठकले सरकारले दर्ता गरेको विधेयक राष्ट्रघाती भएको निष्कर्ष निकाल्दै कुनै पनि हालतमा पास हुन नदिने निर्णय गरेको हो ।

बैठकपछि एमाले संसदीय दलका उपनेता सुवासचन्द्र नेम्वाङले संशोधन विधेयकले मुलुकलाई विखण्डन गर्ने भएकाले यसलाई असफल पार्ने निर्णय भएको बताए ।

बैठकले वैशाख ३१ गते देशभर चुनाव हुने वाताबरण भएपनि सरकारले दुई चरणमा निर्वाचन गर्ने भनेर सरकारले निर्वाचन गर्न नचाहेको स्पष्ट भएको बताएको छ ।

बैठकले संशोधन विधेयकमा संशोधन दर्ता गर्ने निर्णयसमेत गरेको छ जसका लागि ७२ घण्टाको समय दिइएको छ ।
बैठकमा एमाले, माले, नेककिपा, परिवार दल, दलित जनाजाती पार्टीका नेताहरु सहभागि थिए ।